Sinais

Tipos e sinalización dos sendeiros

Sendeiros de percorrido curto

Tamén denominados P.R.Son sendeiros cuxo trazado nunca supera os 50 km. Algúns comezan e rematan no mesmo punto, chamados entón "Sendeiros Circulares". Noutras ocasións percorren espazos de gran valor natural, normalmente son curtos e comezan e rematan no mesmo sitio; son os "Sendeiros Ecolóxicos". Tamén pode suceder que partan dun G.R. ou Sendeiro de Gran Percorrido (máis de 50 km.) e se acheguen a zonas de valor paisaxístico, cultural, etc.

Sendeiros de gran percorrido
Tamén chamados G.R: ., engloban os sendeiros de máis de 50 km e a súa lonxitude é moi variable, posto que se traballa continuamente enlazando uns con outros e unindo países por medio deles.

Variantes

Son sendeiros que se separan do trazado principal para unirse de novo máis adiante. Noméanse igual que o sendeiro principal, pero con outro número a continuación.. Ex:G.R-64 e G.R-64.1

Derivacións

Son rutas que parten do sendeiro principal para levarnos a unha paraxe natural, un refuxio, un monumento, etc. A sinalización é idéntica para os P.R. e os G.R., cunha liña diagonal de cor branca.